آئی ایس پی آر(انٹر سروسز پبلک ریلیشنز) کے ایک لائن کے جاری اعلامیے میں کہا گیا ہے کہ کور کمانڈرز کانفرنس کل(پیر کو) جی ایچ کیو میں ہو گی۔

آرمی چیف جنرل راحیل شریف کور کمانڈرز اجلاس کی صدارت کریں گے جس میں جنرل راحیل شریف ملکی سلامتی سے متعلق امور پر کور کمانڈرز کو اعتماد میں لیں گے۔

ڈان ڈاٹ کام کو انتہائی باوثوق ذرائع نے بتایا کہ کور کمانڈرز کانفرنس میں شمالی وزیرستان میں جاری آپریشن ضرب عضب میں ہونے والی کامیابیوں اور لائحہ عمل پر تبادلہ خیال کیا جائے گا۔

جنرل راحیل شریف کی جانب سے کور کمانڈرز کو وزیر اعظم ہائوس میں ہونے والی قومی سیکیورٹی کانفرنس میں سیاسی رہنماوں کے رد عمل اور تجاویز سے بھی آگاہ کیا جائے گا۔