ترجمان پاک بحریہ کے مطابق گرفتار دہشت گردوں سے اسلحہ و گولہ بارود برآمد ہوا جبکہ ملک کے مختلف حصوں میں چھاپے مارکر کئی مزید دہشت گرد گرفتار کرلیے۔

انہوں نے بتایا کہ مقابلے کے دوران دو شرپسند ہلاک جبکہ چار کو گرفتار کرلیا گیا۔

ان کے مطابق حملےمیں ایک افسر ہلاک اور چھ زخمی ہوئے۔

نیول کمانڈر کامران آصف نے خبر رساں ادارے اے پی کو بتایا کہ عسکریت پسند راکٹ لانچروں، رائفلز اور دستی بموں سے لیس تھے۔

تاحال کسی گروپ نے واقعے کی ذمہ داری قبول نہیں کی۔

نمائندہ ڈان نیوز کے مطابق چھ ستمبر کو اطلاعات موصول ہوئی تھیں کہ ڈاکیارڈ کے اندر فائرنگ کا واقعہ پیش آیا ہے تاہم آج آئی ایس پی آر نے واقعے کی تصدیق کی ہے۔

ان کا کہنا تھا کہ گرفتار شرپسندوں سے تفتیش جاری ہے۔

پاک بحریہ کے سربراہ ایڈمرل آصف سنڈیلا نے زخمی اہلکاروں کی عیادت کی۔

تمام زخمیوں کی حالت خطرے سے باہر ہے۔