ڈان نیوز نے بتایا ہے کہ گلگت کے علاقے ھراموش کے قریب گاڑی میں دھماکا ہوا جس سے کئی مسافر زخمی بھی ہوئے ہیں۔

ایس ایس پی (سینئر سپریٹنڈنٹ پولیس) محمد علی نے میڈیا کو بتایا کہ بم دھماکے میں دو خواتین سمیت تین افراد ہلاک ہوئے جبکہ زخمیوں میں بھی زیادہ تر خواتین شامل ہیں۔

پولیس کے مطابق شاہراہ قراقرم پر عالم برج پر گاڑی میں دھماکا ہوا۔

پولیس کا یہ بھی کہنا تھا کہ دھماکے میں 3افراد ہلاک اور 5 زخمی ہوئے ہیں۔

دھماکے کے فوری زخمیوں اور ہلاک شدگان کو فوری طور پر اسپتال منتقل کر دیا گیا۔

پولیس کے اہک اعلی افسر محمد علی ضیاء نے بتایا کہ یہ دھماکا سڑک کنارے نصب کیے گئے بم کے ذریعے کیا گیا۔

پولیس کی جانب سے تحقیقات کا اغاز کر دیا ہے البتہ دھماکے کی نوعیت کے حوالے سے تفصیلات جاری نہیں کی گئیں۔

گلگت بلتستان کے ایک اعلیٰ اہلکار نے نام ظاہر نہ کرنے کی شرط پر بتایا ہے کہ وفاقی وزارت داخلہ کی جانب سے پہلے ہی متنبہ کیا جا چکا تھا کہ شاہراہ قراقرم پر ایسا واقعہ ہو سکتا ہے۔