بازیاب کروائے گئے تمام افراد افغان شہری بتائے جاتے ہیں۔

لیویز ذرائع نے ڈان کو بتایا کہ پاک ایران سرحد کے قریب آپریشن کرکے 12 افغان شہریوں کو بازیاب کروایا گیا۔

ذرائع کا یہ بھی کہنا تھا کہ آپریشن میں 4 اغواء کار بھی گرفتار کیے گئے ہیں البتہ ان افراد کے حوالے سے مزید تفصیل سے آگاہ نہیں کیا گیا۔

آپریشن کے دوران لیویز نے 2کلاشنکوف، دو گاڑیاں اور 25 موبائل فون بھی برآمد کیے۔

ذرائع نے بتایا کہ اغواء کاروں کے دیگر ساتھیوں کی گرفتاری کے لیے لیویز کے مزید دستے علاقے میں طلب کیے گئے۔

پاکستان ایران اور افغانستان کی سرحد کے قریب واقع بلوچستان کے ضلع چاغی میں مبینہ طور پر اغواء کار گروہ سرگرم ہیں۔

چاغی کو افغانستان کے صوبہ ہلمند سے مشرق وسطیٰ منشیات کی اسمگلنگ کا روٹ بھی کہا جاتا ہے۔