رپورٹس کے مطابق اسرائیل کے زیر تسلط بیت المقدس میں تنازع اس وقت کھڑا ہوا جب ایک اسرائیلی شخص نے مسجد اقصیٰ میں داخل ہونے کی کوشش کی۔

میڈیا رپوٹس میں بتایا گیا ہے کہ فلسطینیوں نے اس شخص کو اندر جانے سے روکا جس کے بعد اسرائیلی فورسز نے حملہ کرکے فلسطنیوں پر آنسو گیس کے شیل فائر کیے ستھ ہی اسٹین گرینیڈ داغنے شروع کر دی جبکہ بعض اہلکاروں نے فائرنگ بھی کی۔

اسرائیلی فورسز کی جارحیت کے باعث 20فلسطینی زخمی ہوئے۔

فلسطین کے مذہبی رہنماوں نے واقعہ کی شدید مذمت کی ہے۔

ابھی اس واقعے کی شدت کم نہ ہوئی تھی کہ گاڑی میں سوار نامعلوم شخص نے پیدل چلنے والوں کو کچل دیا، جس سے ایک شخص ہلاک اور 13 افراد شدید زخمی ہوئے۔

اسرائیلی حکام کے مطابق یہ ایک دہشت گردی کا واقعہ تھا، جس میں حملہ آور ڈرائیور کو ہلاک کر دیا گیا ہے۔