انوشکا شرما اس وقت میلبورن میں کھیلے جانے والے انڈیا اور آسٹریلیا کے تیسرے ٹیسٹ میچ میں شریک ہیں جہاں ایک کمنٹیٹر نے اس بولی وڈ اداکارہ کو ویرات کوہلی کی بیوی قرار دے دیا۔

میچ کے آخری دن سابق کرکٹر اور اب کمنٹیٹر مائیکل سلیٹر نے انوشکا کو ویرات کی بیوی کہہ کر متعارف کرایا۔

مگر جیسے ہی کسی نے مائیکل سلیٹر کو غلطی کا احساس دلایا تو انہوں نے فوری طور پر انوشکا کو ویرات کوہلی کی منگیتر کہنا شروع کردیا۔

اگرچہ انوشکا اور ویرات کوہلی اپنے تعلق کے بارے میں بات نہیں کرتے مگر وہ عوام کے سامنے آپسی گرمجوشی کے اظہار سے ڈرتے نہیں۔‬

انوشکا نے ایک انٹرویو کے دوران کہا تھا کہ کوئی بھی فرد چیزوں کو چھپا نہیں سکتا، ہم اپنی زندگیاں معمول کے مطابق گزار رہے ہیں بس ہم اس تعلق کے بارے میں بات نہیں کرنا چاہتے۔

انہوں نے کہا کہ ہم تفریحی خبروں کا کوئی موضوع نہیں، اگر آپ لوگ ہمیں اکھٹے دیکھیں گے تو ہم چھپیں گے نہیں مگر ہم اس بارے میں بات نہیں کریں گے۔

انوشکا کے بقول وہ اپنی نجی زندگی کے بارے میں دنیا سے نہیں صرف اپنے دوستوں سے ہی بات کرتی ہیں۔

بشکریہ انڈین ایکسپریس