ہمارا معاشرہ اب اسمارٹ فون کا عادی ہوچکا ہے جس کی وجہ سے ہم اکثر اپنے ارگرد کی خوبصورتی کو بھی نظرانداز کردیتے ہیں، بلکہ یوں کہنا چاہئے کہ اب تو اکثر افراد ہی آس پاس دیکھے بغیر ہی اپنی گردن موبائل کی اسکرین پر جھکائے گزرتے نظر آتے ہیں۔

مگر کیا آپ کو معلوم ہے کہ اس طرح آپ کیسی کیسی چیزوں سے محروم رہ جاتے ہیں؟ ایسی ہی چند چیزوں کے بارے میں جانے جن سے اسمارٹ فون آپ کو بہت دور لے گئے ہیں۔

خاموشی کیسی ہوتی ہے

وکی پیڈیا فوٹو

اگر آپ کچھ دیر کیلئے اپنی انگلیوں کو چلانا چھوڑ کر قدرتی ماحول کی آوازسننے کی کوشش کریں تو آپ کو پرندوں کی چہچہاہٹ اور اپنے شہر یا گاﺅں کی آوازیں سنائی دیں گی، جو کہ بہت فرحت بخش ہوتی ہے۔

صبح کی پہلی کافی کتنی مزیدار ہوتی ہے

اے ایف پی فوٹو

آپ اگر موبائل فون پر ایس ایم ایس یا ای میلز وغیرہ سے ہٹ کر کافی پینے کے عمل پر توجہ دیں تو اس کا ذائقہ ہی دوبالا ہوجائے گا۔ کافی کی مہک ہی آپ کو ذہنی طور پر مستعد کردے گی۔

آپ کے اپنے خیالات موجودہ لمحے میں

بشکریہ ہفنگٹن پوسٹ

جب آپ ای یلز، ایس ایم ایس یا فیس بک پر جواب دینے سے رک جاتے ہیں، تو آپ خود کو اپنے خیالات کے ساتھ تنہا محسوس کرتے ہیں۔ اس وقت کو اپنے خیالات بھٹکانے کیلئے صرف کریں اور اپنے ذہن کو اس کی مرضی کے مطابق کام کرنے دیں۔ یہ معمولی مشق روزانہ کرنے سے آپ کو پرسکون رہنے اور اہم کاموں کو مکمل توجہ سے کرنے میں مدد ملے گی۔

ٹریفک اشارے

اے ایف پی فوٹو

ایس ایم ایس کرتے ہوئے چلنا بہت نقصان دہ بھی ثابت ہوسکتا ہے۔ایک تحقیق کے مطابق گزشتہ دہائی کے دوران راہ گیروں کے زخمی ہونے کی شرح میں دوگنا اضافہ ہوا ہے، اور یہ کوئی حیرت کی بات نہیں کہ ان میں بڑی اکثریت 30 سال سے کم عمر افراد کی ہوتی ہے۔

اچھے کھانے کا مزہ

فوٹو محمد عمر

انسٹاگرام پر اپنے کھانے شیئر کرنے کے مقابلے میں اپنے اسمارٹ فون کو کھانے کی میز سے دور رکھیں، اس کے بغیر ہی آپ منہ میں پانی بھر دینے والی مہک، ماحول اور کھانے کے ذائقے سے لطف اندوز ہوسکتے ہیں۔

بدلتے موسموں کی خوبصورتی

فوٹو بشکریہ facebook/manzarturk

اگر آپ کے پاس فطرت کو سراہنے کیلئے وقت ہو، تو جب ہی آپ سرما کی ٹھنڈ، بہار کے سرسبز مناظر اور دیگر موسموں سے لطف اٹھاسکیں گے۔ جب ہی آپ ایک گلاب کی مہک سے بھی صحیح معنوں سے اپنی روح سرشار کرسکیں گے۔

پیاروں کا ساتھ

اے ایف پی فوٹو

جب بھی آپ تعطیلات پر ہو تو اپنے پیاروں کیساتھ باہر گھومنے یا گھر میں ٹیلیویژن دیکھ کر وقت گزاریں۔ اس وقت چاہے آپ زیادہ بات چیت نہ بھی کریں مگر پھر بھی یہ لمحات ناقابل فراموش ہوں گے۔

ننھے فرشتوں کو دیکھنے کا لطف

رائٹرز فوٹو

کچھ وقت کیلئے بچوں کو کھیلتے ہوئے دیکھیں اور ان کی ہنسی سنیں اور ان کی تخلیقی سوچ کو سراہیں۔ کون جانتا ہے کہ یہ سب خود اآپ کی زندگی میں کھیل کے کچھ وقت نکالنے کا باعث بن جائے۔

اپنے محلے کے رنگ برنگ مناظر دیکھنا

اے ایف پی فوٹو

اسٹریٹ آرٹ کسی کی ذہنی صلاحیت کو بڑھانے میں مددگار ثابت ہوتا ہے، تو کچھ وقت رک کر انہیں دیکھنے اور سراہنے میں گزاریں۔ اس سے آپ کو تخلیقی خیالات میں مدد ملے گی یا آپ کی چہل قدمی کو ہی دلچسپ بنا دے گی۔

کسی کو بتانا کہ آپ اس کیلئے موجود ہیں

اے ایف پی فوٹو

یہ بات تو اب عام ہوچکی ہے جب کوئی بات کررہا ہو تو دوسرا شخص موبائل فون میں مصروف ہو جاتا ہے، تو اس بات کی اہمیت سمجھیں کہ دوسرا آپ کو کیا بتانے کی کوشش کررہا ہے اور کتنی بے تابی سے چاہتا ہے کہ آپ اس کی بات سنیں کیونکہ ایس ایم ایس تو انتظار کرسکتا ہے مگر سامنے بیٹھا شخص معمولی سی عدم توجہ پر جتنا دلبرداشتہ ہوتا ہے اس کا اندازہ آپ کربھی نہیں سکتے۔

قدرتی روشنی کی خوبصورتی

اے ایف پی فوٹو

ایک نئی دنیا ہمارے اسمارٹ فونز کی اسکرینز سے پیچھے ہمارا انتظار کررہی ہوتی ہے بس آپ کے نظریں اٹھانے کی دیر ہے اور وہاں کے نظارے آپ کا دل موہ لیں گے۔