پیر کو نیلسن، نیوزی لینڈ میں کھیلے گئے پول 'بی' کے میچ میں آئر لینڈ نے دو مرتبہ ورلڈ کپ فاتح کیربئین ٹیم کا سکور 304/7 ، 45.5 اوورز میں حاصل کر لیا۔

میگا ایونٹ میں اب تک کھیلے گئے پانچ میچوں میں پہلی مرتبہ کسی ٹیم نے رن چیس کیے ہیں۔

اس سے قبل آئر لینڈ نے 2011 ورلڈ کپ میں انگلینڈ جبکہ 2007 میں بنگلہ دیش اور پاکستان کو شکست دے کر عالمی شہ سرخیاں بنائی تھیں۔

سیکسٹن اوول میں کھیلے گئے میچ میں آئر لینڈ کی جانب سے اوپنر پال سٹرلنگ نے 92 جبکہ ایڈ جوائس (84) اور نیال او برائن (79 ناٹ آؤٹ) بنائے۔

اس سے پہلے آئرش کپتان نے ٹاس جیت کر ویسٹ انڈیز کو پہلے بیٹنگ کی دعوت دی۔

آئرش بولروں نے شروع سے ہی دباؤ ڈالا جس کی وجہ سے 87 رنز پر ویسٹ انڈیز کے پانچ کھلاڑی پویلین لوٹ گئے۔

اس موقع پر لینڈن سیمنز (102) اور ڈیرن سیمی (89) نے ٹیم کو سہارا دیا اور سکور 241 تک پہنچا دیا۔

بعد میں سیمنز اور اینڈرے رسل کی جارحانہ بیٹنگ کی وجہ سے ویسٹ انڈیز سات وکٹوں کے نقصان پر تین سو چار رنز بنانے میں کامیاب رہی۔