لیکن پنجاب کی کچھ نامعلوم خواتین کی جانب سے گائے گئے جسٹن بیبر کے مشہورِ زمانہ گانے 'بے بی' کی ویڈیو سوشل میڈیا پر آتے ہی مقبول ہوگئی ہے۔

`

اس ویڈیو میں پنجاب کے کسی مقام پرکچھ خواتین کو یہ گانا 'بے بی' گاتے ہوئے دکھایا گیا ہے، جبکہ بیک گراؤنڈ میوزک کے لیے صرف ایک مٹکا استعمال کیا گیا ہے، جس نے ان لڑکیوں کی آواز کو ایک نکھار فراہم کیا ہے۔

ان لڑکیوں میں سے ایک مرکزی گلوگار ہیں جبکہ باقی ان کے ساتھ ہمنوائی کے فرائض ادا کر رہی ہیں۔

تاہم ان لڑکیوں کی شناخت کے حوالے سے کچھ کہا نہیں جا سکتا۔

کینیڈا سے تعلق رکھنے والے جسٹن بیبر کے گانے 'بے بی' کی ویڈیو نے یو ٹیوب پر ایک ارب سے زیادہ آراء حاصل کرکے انھیں کم عمر ترین آرٹسٹ کا اعزاز دلانے میں اہم کردارادا کیا تھا، جس کی ویڈیو سب سے زیادہ دیکھی گئی۔

تاہم اب قیاس یہ کیا جارہا ہے کہ پنجاب کی ان لڑکیوں کی ویڈیو، جسٹن بیبر کو پیچھے چھوڑ سکتی ہے اور اس حوالے سے سماجی رابطے کی ویب سائٹ ٹوئٹر پر ان لڑکیوں کے لیے کافی حوصلہ افزاء بحث گرم ہے۔

زیادہ تر افراد کا خیال ہے کہ پنجاب کی یہ لڑکیاں جسٹن بیبر سے زیادہ بہتر گا سکتی ہیں۔ آپ کا کیا خیال ہے؟