وزیراعظم نواز شریف نے پارلیمانی جماعتوں کے قائدین کو کھانے پر بلایا تھا جہاں سینیٹ کے انتخابات کے حوالے سے تبادلہ خیال کیا گیا۔

اجلاس کے بعد صحافیوں سے گفتگو میں وزیر اعظم کا کہنا تھا کہ حکومت نے اکثر فیصلے سیاسی جماعتوں کی مشاورت سے کیے۔ ماضی میں بہت ٹھوکریں کھا چکے ہیں، جن سے پاکستان کو نقصان ہوا۔

اجلاس میں یہ فیصلہ بھی ہوا کہ ڈپٹی چیئرمین کے لیے بھی مسلم لیگ (ن) اپنا امیدوار نامزد نہیں کرے گی۔

نواز شریف کا کہنا تھا کہ ماضی کی ناپسندیدہ روایات کو ترک کرتے ہوئے پیسے کا کھیل ختم کیا جائے گا۔ انہوں نے کہا کہ سب چاہتے ہیں کہ الیکشن کا عمل صاف شفاف ہو۔

قبل ازیں نوازشریف سے جمعیت علمائے اسلام (ف) کے امیر مولانا فضل الرحمن اور عوامی نیشنل پارٹی کے سربراہ اسفندیار ولی نے ون آن ون ملاقات کی۔

اجلاس بعد انہوں نے رضا ربانی کو ٹیلی فون کرکے اپنی حمایت کی اطلاع بھی دی۔