پاکستان اور میزبان ٹیم 19،21،23 اور 24 مئی کو مدمقابل ہوں گی۔

انٹرنیشنل ہاکی فیڈریشن کی فہرست میں دسویں درجہ پر موجود پاکستان ٹیم کے کوچ نے بتایا کہ قومی ٹیم نے ورلڈ نمبر ون آسٹریلیا، نیوزی لینڈ اور جنوبی افریقہ کے خلاف اپنی بھرپور استعداد کے ساتھ مقابلہ کیا۔

ہاکی ورلڈ لیگ بیلجئیم میں 20 جون سے 5 جولائی تک منعقد ہو گی اور پول ’اے‘ میں پاکستان کا مقابلہ آسٹریلیا، فرانس، انڈیا اور پولینڈ سے ہو گا جبکہ پول ’بی‘ میں بیلجئیم، چین، برطانیہ، آئر لینڈ اور ملائیشیا مدمقابل ہوں گے۔

پاکستان بیس جون کو پولینڈ کے خلاف میچ سے ٹورنامنٹ کا آغاز کرے گا۔

سابق اولمپین کے مطابق، لاہور میں 40 ڈگری سنٹی گریڈ میں تربیت کے بعد 30 ڈگری میں کھیلنے کی وجہ سے آسٹریلیا کا دورہ آسان نہیں تھا۔

’اتنی جلدی مکمل طور پر مختلف ماحول اور موسم میں ایڈجسٹ کرنا دشوار تھا‘۔

شہناز نے بتایا کہ پاکستان کو نیدرلینڈ میں ڈچ لیگ کھیلنے والے دو بہترین کھلاڑیوں ہاف بیک راشد محمود اور فارورڈ محمد رضوان سینئر کی خدمات حاصل نہیں تھیں۔

دونوں کھلاڑی جنوبی کوریا کا دورہ شروع ہونے سے پہلے قومی ٹیم میں شامل ہو جائیں گے۔

شہناز نے بتایا کہ تمام مسائل کو سامنے رکھتے ہوئے وہ ٹیم کی پرفارمنس اور پیش رفت سے مطمئن ہیں ۔اے پی پی