پولیس ذرائع کے مطابق جمعے کو گھوٹکی کے نواحی گاؤں فیصل کولاچی میں 2 بھائی گھر کے باہر سے ملنے والے دستی بم کو کھلونا سمجھ کر کھیل رہے تھے کہ وہ ایک زوردار دھماکے سے پھٹ گیا۔

دھماکے کے نتیجے میں 13 سالہ فدا حسین موقع پر ہلاک جبکہ اس کا بھائی 9 سالہ وکیل شدید زخمی ہوگیا۔

زخمی بچے کو سول ہسپتال گھوٹکی منتقل کیا گیا تاہم وہ زخموں کی تاب نہ لاکر ہلاک ہوگیا۔

واقعے کے بعد علاقے میں خوف و ہراس پھیل گیا جبکہ پولیس اور بم ڈسپوزل اسکواڈ نے جائے وقوع پر پہنچ کرتفتیش کا آغاز کردیا۔