حال ہی میں سماجی رابطہ کی ویب سائٹ ٹوئٹر پر اداکار سلمان خان نے اس بات کی تصدیق کی ہے کہ وہ اب کرن جوہر کی فلم شدھی کا حصہ نہیں اور ان کی جگہ اس فلم میں ورن دھون اداکاری کریں گے۔

سلمان خان کے بعد کرن جوہر نے بھی سماجی رابطے کی ویب سائٹ ٹوئٹر پر ٹویٹ کی کہ ہدایت کار کرن ملہوترا کی فلم شدھی میں ورن دھون اداکاری کریں گے۔

اس فلم میں ورن دھون کے ساتھ اداکارہ عالیہ بھٹ بھی اہم کردار کرتی نظر آئیںگی، یاد رہے کہ عالیہ اور ورن اس سے قبل دو فلمیں ایک ساتھ کر چکے ہیں جس میں اسٹوڈنٹ آف دی ائیر اور ہمپٹی شرما کی دلہنیا شامل ہیں۔

اس وقت ورن دھون اپنی فلم 'اے بی سی ڈی 2' کی پروموشنز میں مصروف ہیں جس کے بعد وہ فلم 'دل والے' کی شوٹنگ ختم کریں گے البتہ اداکارہ عالیہ بھٹ اس وقت متعدد فلموں میں کام کررہی ہیں جن میں ایک 'اٹتا پنجاب' اور 'کپور اینڈ سنز' شامل ہیں۔