دونوں کے تعلقات میں خوشگوار تبدیلی کی تازہ ترین مثال اس وقت سامنے آئی جب سلمان کی آنے والی فلم 'بجرنگی بھائی جان' کی تشہیر کے لیے بنایا گیا پہلا پوسٹر سب سے پہلے کسی اور نے نہیں بلکہ شاہ رخ خان نے اپنے ٹوئٹر اکاؤنٹ سے شیئر کیا۔

شاہ رخ نے ٹوئٹر پر نہ صرف سلمان کی فلم کا پوسٹر شئیر کیا بلکہ ساتھ یہ پیغام بھی تحریر کیا کہ بھائی ہونا ہیرو ہونے سے زیادہ بڑھ کر ہے۔

شاہ رخ کے اس بیان سے لگتا ہے کہ سلمان خان اور ان کے درمیان سب کچھ ٹھیک ہو چکا ہے۔

ابھی شاہ رخ نے ٹوئٹر پر پہلی جھلک پوسٹ ہی کی تھی کہ اس کے ایک گھنٹے بعد اداکار عامر خان نے بھی سلمان خان کی آنے والی فلم 'بجرنگی بھائی جان' کی پہلی جھلک شیئر کر دی۔

فلم 'بجرنگی بھائی جان' میں سلمان خان کے ساتھ اداکارہ کرینہ کپور اور نوازالدین صدیقی بھی اہم کردار کرتے نظر آئیں گے اور فلم اس سال عید پر سینما گھروں میں نمائش کے لئے پیش کی جائے گی۔