کوک اسٹوڈیو کے اب تک سات سیزن ہو چکے ہیں، جن کو مختلف پاکستانی ٹی وی چینلز پر نشر کیا گیا.

سیزن 8 کے اس ٹیزر میں پاکستان کے مشہور لوک اور کچھ نئے گلوکاروں نے ایک ساتھ شہناز بیگم کے مشہور نغمے ’سوہنی دھرتی‘ کو مل کر گایا ہے جس میں اس نغمے کے خالق سہیل رعنا اور مسرور انور کو خراج تحسین بھی پیش کیا۔

2 منٹ دورانیہ کی اس ویڈیو میں پاکستان کے نامور گلوکاروں نے اپنی آواز کا جادو جگایا جس میں عاطف اسلم، کاوش، سارہ حیدر، علی ظفر، مائی ڈھائی، عارف لوہار، قرۃ العین بلوچ اور متعدد گلوکار شامل ہیں۔ اس سیزن کی پروڈکشن اور ہدایات مشہور بینڈ اسٹرنگز نے دی ہے۔

اس ٹیزر کے سوشل میڈیا پر ریلیز ہوتے ہی شائقین نے بڑی تعداد میں اپنا ردعمل ظاہر کیا۔