افغانستان کے سب سے بڑے انٹیلی جنس ادارے نیشنل ڈائریکٹوریٹ آف سیکیورٹی (این ڈی ایس) نے کہا کہ ابو حذیفہ صوبہ قندوز میں فضائی حملوں کے دوران مارا گیا۔

این ڈی ایس کے اعلامیے کے مطابق حملوں میں ابو حذیفہ کا نائب اور تین دیگر کمانڈر بھی مارے گئے۔

اعلامیے میں کہا گیا کہ ابو حذیفہ افغان فورسز کے ساتھ لڑائی کرنے والے جنگجوؤں کے رہنماؤں میں شامل تھا۔

اعلامیے میں مزید کہا گیا کہ دہشت گرد گروپ مختلف علاقوں بالخصوص صوبہ قندوز میں درجنوں معصوم افراد کے قتل میں ملوث ہے۔