دنیا بھر میں امدادی اور فلاحی کاموں کیلئے مشہور فٹبال پرتگال کے شہرہ آفاق فٹبالر کرسٹیانو رانولڈو نے ایک بار پھر انسانی ہمدردی کی نئی مثال قائم کردی۔

گزشتہ دنوں ریال میڈرڈ کے اسٹرائیکر گراناڈا کے خلاف میچ سے قبل یورپ میں آںے والے شامی پناہ گزینوں سے اظہار یکجہتی کیلئے ایک شامی بچے زید کا ہاتھ تھامے میدان میں اترے۔

دراصل رواں ماہ کے آغاز میں یورپ میں آںے والے شامی پناہ گزیں اسامہ اور ان کے بیٹے زید کے ساتھ یوکرین کی ایک صحافی نے نارواں سلوک رکھتے ہوئے ان کو گرا دیا تھا جس کے باعث وہ بچے سمیت منہ کے بل گر گئے تھے۔

اس کے علاوہ پھر انہوں نے شامی پناہ گزینوں کی فوٹیج بناتے ہوئے ایک بچی کو ٹانگ ارا کر گرانے کی کوشش کی تھی جس کی فوٹیج منظر عام پر آنے کے بعد عالمی سطح پر اس واقعے پر کافی احتجاج کیا گیا۔

یوکرین کی اس صحافی کو معافی مانگنے کے باوجود واقعے کے فوراً بعد نوکری سے فارغ کردیا گیا تھا۔

عالمی سطح پر اس واقعے پر جہاں احتجاج کیا گیا وہیں اسپین کے فٹبال کلب ریال میڈرڈ نے اس خاندان سمیت تمام شامی پناہ گزینوں سے اظہار یکجہتی کیلئے اس خاندان کو گراناڈا کے خلاف میچ میں بطور مہمان خصوصی طلب کیا۔

جب میچ شروع ہوا تو بچے کو اس کے سب سے پسندیدہ فٹبالر اور شہرہ آفاق اسٹار کرسٹیانو رونالڈو کے ساتھ میدان میں اتارا گیا جس کو شائقین نے کافی سراہا۔

بچے کے والد اسامہ کو اسپین کے ایک کلب نے نوکری دینے کے ساتھ ساتھ رہائش بھی فراہم کردی ہے اور جلد ان کا پورا خاندان اسپین منتقل ہو جائے گا۔