ڈی پی او جاوید اقبال نے ڈان نیوز کو بتایا کہ نامعلوم موٹر سواروں نے صوابی کے علاقہ امن چوک میں ڈیوٹی پر تعینات ٹریفک اہلکاروں پر فائرنگ کردی ۔

فائرنگ کے نتیجے میں ٹریفک آفیسر ارشد اور کانسٹیبل گوہر زمان موقع پر ہی ہلاک ہوگئے۔

واقعے کے بعد ملزمان فرار ہونے میں کامیاب ہوگئے جن کی تلاش کے لیے سرچ آپریشن جاری ہے۔

خیال رہے کہ گزشتہ چند ماہ سے پورے ملک میں ٹریفک پولیس اہلکاروں کو نشانہ بنایا جارہا ہے جس کے نتیجے میں تقریباً ایک درجن کے قریب اہلکار مارے گئے ہیں۔

حال ہی میں صوبہ سندھ میں اپنے دفاع کے لیے اہلکاروں کو خودکار ہتھیار اور بلٹ پروف جیکٹ مہیا کی گئی ہیں۔

تاہم اس کے باوجود ٹریفک پولیس اہلکاروں پر حملے جاری ہیں۔