ڈان نیوز کے مطابق مانسہرہ میں وادی کاغان کے علاقے بیسر میں برفانی تودہ گرا جس سے ایک مزدور ہلاک اور 9 زخمی ہو گئے.

تصاویر دیکھیں : سردی اور برف باری

تودہ گرنے سے کان میں کام کرنے والے 10 مزدور دب گئے تھے،

ڈسٹرکٹ پولیس افسر (ڈی پی او) مانسہرہ نجیب الرحمن کا کہنا تھا کہ پولیس اور مقامی افراد نے فوری طور پر امدادی سرگرمیاں شروع کرکے مزدوروں کو نکال لیا گیا۔

انہوں نے ایک مزدور کے ہلاک ہونے کی تصدیق کی.

نجیب الرحمن نے یہ بھی بتایا کہ تودے کے نیچے سے نکالے گئے زخمی 9 مزدوروں کو ڈسٹرکٹ ہیڈ کوارٹرز (ڈی ایچ کیو) اسپتال منتقل کیا گیا.

واضح رہ کہ مانسہرہ، کاغان، ناران سمیت دیگر علاقوں میں برفباری اور موسلا دھار بارش جاری ہے جس کے باعث لینڈ سلائیڈنگ ہوئی۔

دوسری جانب اسکردو میں بھی برفباری سے کئی اہم سڑکیں بند ہوگئیں جبکہ ناران اور گلگت میں راستے بند ہونے سے متعدد سیاح پھنس گئے۔