پیزا اوون سے لیس گاڑی سے لے کر لگ بھگ مکمل طور پر گتے سے تیار کار تک 2015 حیرت انگیز ڈیزائنرز سے بھرپور سال ثابت ہوا ہے۔

ان میں سے بیشتر گاڑیاں فروخت کے لیے دستیاب تو نہیں مگر ان کے منفرد ڈیزائن اور نئے میٹریلز دیکھنے والوں کو دنگ رہنے کے لیے کافی ثابت ہوئے۔

درج ذیل میں ایسی ہی عجیب و غریب گاڑیوں کا ذکر ہے جو رواں برس دیکھنے میں آئیں۔

آیوڈی تھری ڈی

معروف کمپنی آیوڈی نے تھری ڈی پرنٹر سے زبردست چھوٹی ریسر گاڑی پرنٹ کی، جس کے لیے گاڑی کے مختلف پروزوں کو پہلے پرنٹ کیا گیا اور پھر انہیں جوڑ لیا گیا۔

میٹسابشی بیٹ موبائل

میٹسابشی نے ایک الیکٹر اور خودکار ڈرائیونگ کی صلاحیت رکھنے والی گاڑی ڈیزائن کی جو دیکھنے میں بیٹ موبائل جیسی لگتی ہے۔ یہ ایل سی ڈی اسکرین کے ساتھ ہے اور ڈرائیور کی صحت کی مانیٹرنگ بھی کرسکتی ہے۔

میکلارین

میکلارین نے ایسی حیرت انگیز ریسنگ گاڑی تیار کی ہے جو دیکھنے میں کسی لڑاکا طیارے کی طرح نظر آتی ہے۔ اس کی ایک وجہ بھی ہے کیونکہ اس لڑاکا طیاروں سے متاثر ہوکر ہی تو اس کا کاک پٹ ڈیزائن کیا گیا ہے۔

لمبورگنی

لمبورگنی نے مستقبل کے روپ کے ساتھ ایک نشست والی یہ گاڑی ڈیزائن کی ہے جس کی طاقت متاثرکن ہے۔ ایگوسٹا نامی یہ گاڑی کا ڈیزائن تو 2013 میں سامنے آیا تاہم اب یہ اپ ڈیٹ کے ساتھ پروڈکشن مراحل سے گزرنے والی ہے۔

نیوآن سولر پاور گاڑی

سورج کی طاقت سے چلنے والی اس گاڑی نیوآن ایٹ کو نیدرلینڈ کی ڈیلفٹ یونیورسٹی نے آسٹریلیا میں 1900 میل کی ریس میں شرکت کے لیے تیار کیا اور اس مقابلے کا مقصد ہی یہ جانچنا تھا کہ کونسی گاڑی سولر انرجی کے ساتھ تیز دوڑ سکتی ہے۔

نسان

معروف کمپنی نسان نے ایک گاڑی کا ڈیزائن پیش کیا ہے جو درحقیقت ایک دوڑنے کے قابل بہت بڑا ٹیبلیٹ ہے۔ اس کا ٹچ اسکرین ڈسپلے ویڈیو چیٹ یا ویڈیو گیمز کھیلنے کے لیے استعمال کیا جاسکتا ہے۔ اس گاڑی کو تیار ہی نوجوانوں کے لیے کیا گیا ہے جو ٹچ اسکرین ٹیکنالوجی کی دیوانے ہیں۔

لیکسز

اس کمپنی نے ایسی گاڑی تیار کی ہے جو بصری طور پر ڈرائیورز کی دھڑکن کی رفتار کی عکاسی کرتی ہے۔ اس گاڑی پر فاسفورسینٹ جز استعمال کیا گیا ہے جو کسی برقی چارج پر جگمگانے لگتا ہے۔ اس کو چلانے والے ڈرائیور کو جسم پر سنسرز لگانا پڑتے ہیں تاکہ اس کی دھڑکن ظاہر ہوسکے۔

ڈومینو پیزا کار

پیزا بنانے والی اس مقبول کمپنی نے ایسی انوکھی گاڑی تیار کی ہے جس کے اندر ایک اوون نصب ہے جو 140 ڈگری فارن ہائیٹ پر چلتا رہتا ہے تاکہ پیزے گرم رہ سکیں۔ اسے ڈومینوز ڈی ایکس پی کا نام دیا گیا ہے۔

گتے کی گاڑی

لیکسز نے اپنے ماڈل آئی ایس کا 1700 گتے کی شیٹس کی مدد سے ایسا ورژن تیار کیا ہے چلنے کے بھی قابل ہے۔ اسے مکمل طور پر ہاتھوں سے لیزر کٹنگ اور گلیو کی مدد سے تیار کیا ہے اور اس میں ایک برقی موٹر نصب ہے جو ڈرائیور کو آگے اور پیچھے کرنے میں مدد فراہم کرتی ہے۔

ہونڈا وانڈر اسٹینڈ

دیکھنے میں کسی طرح بھی گاڑی نہ لگنے والی یہ کار درحقیقت چار پہیوں پر مشتمل ایک منی سواری ہے جسے ہونڈا نے تیار کیا ہے اور اس کا ڈیزائن تو دنگ کردینے والا ہے اور اس میں اسٹریئنگ کی بجائے جوائے اسٹک جیسی کوئی چیز نصب ہے جسے چلانے کے لیے استعمال کیا جاتا ہے۔

آپ موبائل فون صارف ہیں؟ تو باخبر رہنے کیلئے ڈان نیوز کی فری انڈرائیڈ ایپ ڈاؤن لوڈ کریں۔