العربیہ کی رپورٹ کے مطابق شیخ منصور بن محمد محکمہ شہری دفاع کا لباس زیب تن کیے ہوٹل میں لگنے والی آگے کو بجھانے میں مصروف رہا۔

منصور بن محمد المکتوم کی تصویر سوشل میڈیا کے ذریعے سامنے آئیں جس میں وہ ہوٹل ایڈریس کے باہر محکمہ شہری دفاع کے دیگر اہلکاروں کے ساتھ موجود ہیں۔

واضح رہے کہ دو روز قبل سال نو کی آمد سے قبل دنیا کے سب سے بڑے ٹاور برج الخلیفہ سے کچھ ہی فاصلے پر قائم ایک فائیو اسٹار ہوٹل میں آتشزدگی کے نتیجے میں 16 افراد زخمی ہوگئے البتہ کسی کی ہلاکت نہیں ہوئی تھی۔

اس آتشزدگی کے حوالے سے بھی سوشل میڈیا پر تصاویر اور ویڈیوز گردش کر رہی ہیں۔

خیال رہے کہ دبئی کے امیر شیخ محمد بن راشد المکتوم کے 23 بچے ہیں جن میں 9 بیٹے اور 14 بیٹیاں شامل ہیں، ان کی اولادوں میں منصور بن المکتوم کا نمبر 20واں ہے۔

منصور بن محمد المکتوم کی عمر اس وقت 28 سال ہے جبکہ ان کے انسٹا گرام کے اکاؤنٹ پر ان کی فوجی لباس میں تصاویر بھی موجود ہیں۔