حال ہی میں سدھارتھ ملہوترا اپنی آنے والی فلم ’کپور اینڈ سنز‘ کی تشہیر کے دوران ایک انٹرویو دے رہے تھے جس دوران ان کا کہنا تھا کہ وہ کئی اداکاراؤں کے ساتھ کام کر چکے ہیں اور کئی کے ساتھ کر رہے ہیں البتہ دپیکا کے ساتھ بھی وہ ایک فلم ضرور کرنا چاہتے ہیں۔

ان کا کہنا تھا ’میں عالیہ کے ساتھ کام کر چکا ہوں، شردھا اور پرینیتی کے ساتھ بھی میری فلم آئی ہے، میں اپنی اگلی فلم بار بار دیکھو میں کترینہ کے ہمراہ کام کر رہا ہوں اور اب میری خواہش ہے کہ میں دپیکا کے ساتھ کام کروں اور مجھے یقین ہے وہ فلم بہترین ہوگی‘۔

اس انٹرویو کے بعد دپیکا پڈوکون نے سدھارتھ کو سماجی رابطے کی ویب سائٹ ٹوئٹر پر حامی کا پیغام دے ڈالا۔

دپیکا کا کہنا تھا ’ضرور، ہم دونوں کس کا انتظار کر رہے ہیں؟‘

دپیکا کی اس ٹویٹ کے بعد سدھارتھ نے بھی انہیں پیغام دیا۔

ان کا کہنا تھا ’ٹھیک ہے، لائٹس، کیمرا، ایکشن‘۔

دپیکا پڈوکون اس وقت اپنی پہلی ہولی وڈ فلم ’ٹرپل ایکس: دی ریٹرن آف زینڈر کیج‘ کی شوٹنگ میں مصروف ہیں جبکہ سدھارتھ اپنی فلم ’کپور اینڈ سنز‘ کی تشہیر کر رہے ہیں جو 18 مارچ کو ریلیز کی جائے گی۔

آپ موبائل فون صارف ہیں؟ تو باخبر رہنے کیلئے ڈان نیوز کی فری انڈرائیڈ ایپ ڈاؤن لوڈ کریں۔