ڈان نیوز کی رپورٹ کے مطابق اسلام آباد اور راولپنڈی میں 148 کلومیٹر فی گھنٹہ کی رفتار سے چلنے والی آندھی سے کئی درخت جڑ سے اکھڑ گئے، جس کے بعد جڑواں شہروں کے 70 فیصد علاقے بجلی سے محروم ہوگئے۔

محکمہ موسمیات کا کہنا تھا کہ اسلام آباد میں 120 کلو میٹر فی گھنٹہ کی رفتار سے شدید آندھی آئی۔

پاکستان انٹرنیشنل ایئر لائنز (پی آئی اے) کے ترجمان کے مطابق اسلام آباد میں موسم کی خرابی کے باعث پی آئی اے کی پروازوں کی آمدورفت متاثر ہوئی اور دارالحکومت آنے والی پروازوں کا رخ ہنگامی طور پر لاہور کی جانب موڑ دیا گیا۔

اسلام آباد پولیس کا کہنا تھا کہ مارگلہ ٹاؤن میں گھر کی چھت گرنے سے ماں اور 2 بیٹیاں جبکہ ایف 7 اور بہارہ کہو میں 2 افراد ہلاک ہوئے۔

ادھر پولی کلینک میں 40 زخمیوں کو طبی امداد کیلئے لایا گیا جبکہ پمز ہسپتال میں 10 زخمی لائے گئے تھے۔

آپ موبائل فون صارف ہیں؟ تو باخبر رہنے کیلئے ڈان نیوز کی فری انڈرائیڈ ایپ ڈاؤن لوڈ کریں۔