ہولی وڈ لائف کی ایک رپورٹ کے مطابق گلوکار زین ملک اور ماڈل گیگی حدید، جنہوں نے گزشتہ ماہ میٹ گالا میں ریڈ کارپٹ پر واک بھی کی تھی، کئی ماہ سے ایک ساتھ تھے لیکن اب دونوں کی راہیں جدا ہوگئی ہیں۔

رپورٹس کے مطابق ان کے بریک اپ کی وجہ زین کا گیگی کو اہمیت نہ دینا بتایا جارہا ہے۔

واضح رہے کہ اس سے قبل زین ملک کا گلوکارہ پیری ایڈورڈز کے ساتھ تعلق تھا تاہم گزشتہ سال ان دونوں کا بھی بریک اپ ہوگیا تھا۔

مزید پڑھیں: زین ملک کی منگنی ایک میسج پر ختم

حال ہی میں گیگی حدید نے بھی ایک میگزین کو انٹرویو دیتے ہوئے کہا تھا ’جب لوگ میرے ساتھ بہت برے ہوجاتے ہیں تو میں اپنی بہترین دوست کے ساتھ وقت گزارتی ہوں یا پھر میں اپنی دوست کنڈیل جینر کے ساتھ وقت گزار لیتی ہوں جو مجھے ایسے وقت میں اچھی طرح سے سمجھاتی ہیں‘۔

اور اگر گیگی کا انسٹاگرام اکاؤنٹ دیکھا جائے تو اس وقت وہ ماڈل کنڈیل جینر کے ساتھ ہی موجود ہیں۔

واضح رہے کہ اس سے قبل زین اور گیگی نے ایک ساتھ کئی بار اپنی تصاویر انسٹاگرام پر بھی پوسٹ کیں۔

تاہم واضح رہے کہ دونوں نے اب تک اس خبر کی تصدیق نہیں کی۔

آپ موبائل فون صارف ہیں؟ تو باخبر رہنے کیلئے ڈان نیوز کی فری انڈرائیڈ ایپ ڈاؤن لوڈ کریں۔