مومل شیخ اپنے والد معروف اداکار جاوید شیخ کے ہمراہ بولی وڈ فلم ’ہیپی بھاگ جائے گی‘ میں کام کررہی ہیں، جہاں فلم کو لے کر مداحوں کو بڑی امیدیں وابستہ ہیں تاہم وہیں اس پوسٹر سے کہیں نہ کہیں مایوسی بھی ہوئی۔

مایوسی کی وجہ یہ ہے کہ مومل کی اس فلم کا پوسٹر ہولی وڈ اداکارہ جولیا رابرٹس اور ریچرڈ گیر کی فلم ’رن اوے برائڈ‘ کی نقل لگ رہا ہے۔

اس فلم میں مومل ایک پاکستانی لڑکی کا کردارادا کررہی ہیں جبکہ جاوید شیخ فلم میں ان کے سسر کا کردار کرتے نظر آئیں گے۔

اداکار ابھے دیول بھی اس فلم میں لیڈ ہیرو کے رول میں نظر آئیں گے۔

فلم ’ہیپی بھاگ جائے گی‘ رواں سال 19 اگست کو سنیما گھروں میں نمائش کے لیے پیش کی جائے گی۔

آپ موبائل فون صارف ہیں؟ تو باخبر رہنے کیلئے ڈان نیوز کی فری انڈرائیڈ ایپ ڈاؤن لوڈ کریں۔