ملک کے بالائی علاقوں اور ان سے منسلک میدانی علاقوں میں گذشتہ چند روز سے بارشوں کا سلسلہ جاری ہے جس سے یہاں کاروبار زندگی بری طرح متاثر ہوا ہے۔

صوبہ پنجاب کے دارالحکومت لاہورمیں بارشوں کے باعث سڑکیں تالاب کا منظرپش کررہی ہیں جس کی وجہ سے شہریوں کو شدید مشکلات کا سامنا ہے۔

دوسری جانب انتظامیہ کی جانب سے دعویٰ کیا جارہا ہے کہ بارشوں کے بعد نکاسی آب کا کام جاری ہے جبکہ عوام نے الزام لگایا ہے کہ متاثرہ علاقوں میں بارش کا پانی جوں کا توں موجود ہے اورانتظامیہ کی جانب سے اسے ہٹانے کا خاطر خواں انتظام نہیں کیا گیا۔

ادھر محکمہ موسمیات نے اعلان کیا ہے کہ ملک میں بارشوں کا یہ سلسلہ آئندہ چند روز تک جاری رہنے کا امکان ہے۔