واضح رہے کہ گلوکار نعمان جاوید کا اس سال کا آغاز کچھ اچھا ثابت نہیں ہوا تھا، ان کی اہلیہ گلوکارہ فریحہ پرویز نے ان سے علیحدگی اختیار کرلی تھی، جس کے بعد نعمان جاوید نے خودکشی کی کوشش بھی کی تھی، تاہم 4 ماہ بعد ان کی زندگی میں سب کچھ بہتر ہورہا ہے اور وہ جلد اداکارہ جاناں ملک سے شادی کرنے جارہے ہیں۔

ڈان کو انٹرویو دیتے ہوئے نعمان جاوید کا کہنا تھا کہ وہ اور جاناں ملک پہلی مرتبہ 12 اگست کو ملے تھے، جب وہ ایک ساتھ فلم دیکھنے کے لیے گئے۔

نعمان کا مزید کہنا تھا کہ ’میں نے جاناں کو 26 اگست کو پروموز کیا، وہ ایک نہایت ایماندار اور وفادار شخصیت کی مالک ہیں‘۔

نعمان شادی کے بعد بھی اپنی گلوکاری کے کیریئر کو جاری رکھیں گے، ان کے مطابق جاناں ملک بھی شادی کے بعد اداکاری کرتی رہیں گی۔

انہوں نے کہا کہ ’اچھا ساتھی وہی ہوتا ہے جو مکمل آزادی دے، میں جاناں کو ہر مشکل میں ہمیشہ سپورٹ کروں گا‘۔

اپنے ماضی کے حوالے سے بات کرتے ہوئے نعمان نے بتایا کہ ’میری فیملی اب میری پہلی ترجیح ہے، میں اپنی بیوی کے ساتھ ایک اچھی زندگی گزارنا چاہتا ہوں، میری زندگی بہت حد تک تبدیل ہوچکی ہے اور مجھے معلوم ہے کہ یہ بہتری کی وجہ سے ہوئی ہے، اللہ نے میرے لیے کچھ بہتر ہی سوچا ہے، جاناں کے ساتھ رہ کر میں اپنی ہر بری یاد کو بھول جاتا ہوں‘۔

واضح رہے کہ نعمان جاوید نے اپنے کیریئر کا آغاز مہیش بھٹ کی فلم ’جشن‘ کے گانے سے کیا تھا، وہ ایک اور بولی وڈ فلم ’یملہ پگلہ دیوانہ‘ کے میوزک ڈائریکٹرز میں سے ایک ہیں۔