اس موقع پر جہاں تمام شعبہ ہائے زندگی سے تعلق رکھنے والوں نے بھرپور حب الوطنی کا مظاہرہ کیا وہیں فنکار بھی کسی سے پیچھے نہ رہے اور اپنے جذبات کا اظہار کیا۔

مزید پڑھیں: پاکستانی فنکار دہشت گرد نہیں، سلمان خان

اس سخت کشیدگی کے دوران ایک ٹوئیٹ نے پوری پاکستانی قوم کو مشتعل کردیا اور یہ شخصیت کوئی اور نہیں بلکہ سابقہ پاکستانی شہری عدنان سمیع ہیں۔

ہندوستان کی شہریت لینے والے معروف گلوکار نے گزشتہ روز ہونے والی جھڑپ پر ہندوستان نوازی کا موقع نہ گنواتے ہوئے بھارتی فوج اور وزیر اعظم نریندر مودی کو سراہا۔

عدنان سمیع کی بھارت کے حق میں کی گئی ٹوئیٹ سے سوشل میڈیا پر پاکستانی برہم ہوگئے اور گلوکار کو سخت تنقید کا نشانہ بنایا گیا۔

یہ بھی پڑھیں: بھارتی فلموں پر پابندی، پاکستانی فنکاروں کا ردعمل

اس سے قبل یہ معاملہ مزید سنگین رخ اختیار کرتا، گلوکار نے منفرد حربہ اختیار کر کے ایک اور ٹوئیٹ میں اپنا موقف واضح کرنے کی کوشش کرتے ہوئے پھر پاکستان کو تنقید کا نشانہ بنایا۔

تاہم ٹوئٹر پر اکثر لوگوں نے ان کی رائے سے اتفاق نہیں کیا۔

یہ کہنا غیرضروری ہو گا کہ پاکستانی عوام ناصرف ناخوش بلکہ شدید غم و غصے کا شکار ہیں۔

تاہم سرحد پار ہندوستانیوں نے انہیں دونوں ہاتھوں سے گلے لگاتے ہوئے اپنی محبتیں نچھاور کیں۔

تاہم ایک شخص نے اس تمام معاملے کو کچھ اس طرح سمجھانے کی کوشش کی۔