سننے اور دیکھنے میں تو آسان لگتا ہے ؟ مگر اس سوال نے انٹرنیٹ صارفین کو آپس میں لڑنے پر مجبور کردیا ہے۔

جی ہاں اس بیگ کی رنگت سفید ہے یا نیلی، اس سوال نے ہزاروں انٹرنیٹ صارفین کے ذہنوں کو گھما کر رکھ دیا ہے۔

یہ بالکل 2015 کے شروع میں سامنے آنے والے ڈریس کے رنگ کی طرح ہے جس میں پوچھا گیا تھا کہ یہ ڈریس نیلا اور کالا ہے یا سفید اور گولڈن۔

اس ایک جملے نے انٹرنیٹ کی دنیا کو پریشان کرکے رکھ دیا تھا اور ایسا ہی اس بیگ کی تصویر نے بھی کیا ہے۔

ٹوئٹر صارف ٹیلر کورسو نے 4 اکتوبر کو اس بیگ ک تصویر شیئر کی تھی جس کے بعد سماجی رابطے کی اس ویب سائٹ پر جنگ سی چھڑ گئی۔

اس خاتون نے بیگ کے رنگ کا جواب بھی بتایا مگر لوگوں نے اسے بھی ماننے سے انکار کردیا۔

کورسو کے مطابق یہ ہلکے نیلے رنگ کا بیگ ہے مگر لوگ پھر بھی اسے سفید قرار دے رہے ہیں۔

تو آپ کے خیال میں یہ کس رنگ کا ہے؟

اپنا جواب نیچے کمنٹ میں بتائیں۔