ملزم پر یونیورسٹی فنڈز میں مبینہ طور پر کروڑوں روپے کی بدعنوانی اور اختیارات کے ناجائز استعمال کا الزام ہے۔

ڈاکٹر نعیم خالد اسلامیہ کالج یونیورسٹی پشاور میں فزکس ڈیپارٹمنٹ کے چیئرمین ہیں۔

یہ بھی پڑھیں: پختونخوا: کرپشن الزام میں 9 سرکاری اہلکار گرفتار

خیبر پختونخوا احتساب کمیشن کے عہدیدار کے مطابق ’کمیشن نے یونیورسٹی ملازمین کی متعدد شکایات پر ڈاکٹر نعیم خالد کے خلاف تحقیقات کا آغاز کیا اور ابتدائی تحقیقات میں وہ بدعنوانی اور اختیارات کے ناجائز استعمال میں ملوث پائے گئے۔‘

ان کا کہنا تھا کہ ’یونیورسٹی کے سینئر ترین اسٹاف ممبر کو بدعنوانی اور اختیارات کے ناجائز کے الزامات کے تحت گرفتار کیا گیا۔‘

مزید پڑھیں: خیبرپختونخوا کے ڈی جی احتساب کمیشن مستعفی

انہوں نے کہا کہ ملزم کو جوڈیشل ریمانڈ کے لیے کل احتساب عدالت میں پیش کیا جائے گا۔