سرکاری ذرائع کے مطابق قطر کے حکمران کے قافلے میں شامل افراد کو اُس وقت حراست میں لیا گیا جب وہ تلور کے شکار کے لیے بلوچسستان کے علاقے ماشکیل کی جانب جاتے ہوئے لیویز اہلکاروں کی جانب سے چیکنگ کے لیے اشارہ کرنے کے باوجود نہیں رکے اور انہوں نے چیک پوسٹ کی رکاوٹیں توڑ دیں۔

سیکیورٹی اہلکاروں نے چیک پوسٹ کی رکاوٹیں توڑنے والی 4 گاڑیوں کا پیچھا کرکے ان میں سوار 16 افراد کو گرفتار کرلیا۔

گرفتار کیے گئے امیر قطر کے قافلے میں شامل افراد میں 3 بنگلہ دیشی اور 13 پاکستانی شہری ہیں۔

ضلعی انتظامیہ کے ایک عہدیدار کے مطابق 4 گاڑیوں کو بھی تحویل میں لے لیا گیا۔

خیال رہے کہ شکار کے لیے قطر کے حکمران کی آمد آئندہ چند دنوں میں متوقع ہے۔

یہ خبر 2 فروری 2017 کو ڈان اخبار میں شائع ہوئی