فلم 21 اپریل کو سینما گھروں میں نمائش کے لیے پیش کی جائے گی۔

اس فلم میں 6 افراد کی الگ الگ کہانی کو بیان کیا جائے گا، جن کی اپنی زندگی اور الگ راستہ ہے، اور بعدازاں ایک دوسرے سے کیسے ملاقات کریں گے۔

رومانوی کہانی پر مبنی اس فلم کئی سچے واقعات اور لمحات سے متاثر ہوکر بنائی گئی، فلم کی ہدایت کاری عمر عادل نے کی، جس کی کہانی عطیہ زیدی نے لکھی ہے، اس فلم کو بینش عمر اور عمر عادل مشترکہ پروڈیوس کررہے ہیں۔

فلم 'چلے تھے ساتھ' کی کاسٹ میں بہروز سبزواری، ژالے سرحدی، منشا پاشا، اسامہ طاہر، فارس خالد، شمیم ہلالی اور شیرباز کلیم موجود ہیں۔

اس فلم کی شوٹنگ پاکستان کے شمالی علاقوں میں کی جارہی ہے، جس کی کاسٹ کو سُن کر اندازہ لگایا جاسکتا ہے کہ شائقین اس فلم کا بےصبری سے انتظار کررہے ہوں گے۔