خبر رساں ادارے اے ایف پی کے مطابق 23 سالہ الیگزینڈرا کیوٹس کا خواب اُس وقت پورا ہوا جب انہوں نے سیاہ رنگ کے خوبصورت جوڑے میں ریمپ پر شائقین کی خوب داد وصول کی۔

ریمپ پر الیگزینڈرا کیوٹس چار ماڈلز کے ساتھ جلوہ گر ہوئیں، تاہم شو کی تمام تر توجہ ان کی جانب مرکوز رہی۔

الیگزینڈرا کیوٹس وہ پہلی معذور لڑکی ہیں، جنہوں نے یوکرین میں وہیل چیئر کے سہارے ریمپ پر واک کی۔

اس حوالے سے ان کا کہنا تھا ’میں کیٹ واک کرکے یہ ثابت کرنا چاہتی تھی کہ وہیل چیئر پر موجود کوئی لڑکی بھی یہ کام کرسکتی ہے‘۔

فالج سے متاثر الیگزینڈرا کیوٹس پیدائشی معذور ہیں۔

الیگزینڈرا کیوٹس نے اس مقام تک پہنچنے کے لیے کئی ماڈلنگ ایجنسیز کے نام خط لکھے اور طویل عرصے کے انتظار کے بعد انہیں ریمپ پر جلوہ گر ہونے کا موقع ملا۔

انہوں نے مزید بتایا ’میں نے کئی ماڈلنگ ایجنسیوں کو خط لکھے تاہم سب کی جانب سے مجھے انکار کا سامنا کرنا پڑا، انہوں نے مجھے کہا کہ میں بہت خوبصورت ہوں، لیکن وہ یہ نہیں جانتے کہ مجھے پروموٹ کیسے کریں کیوں کہ مارکیٹ میں اب تک اس چیز کی جگہ نہیں‘۔