انڈین ایکسپریس کی ایک رپورٹ کے مطابق سنجے دت کی رپائی کے بعد ان کی پہلی فلم 'بھومی' کی شوٹنگ آگرہ میں جاری ہے، تاہم شوٹنگ کے دوران پیش آنے والے ایک واقعے نے ان کے لیے مشکلات کھڑی کردیں۔

مزید پڑھین: رہائی کے بعد سنجے دت کی پہلی فلم کون سی؟

ہوا کچھ یوں کہ فلم 'بھومی' کی شوٹنگ آگرہ میں تاج محل کے قریب جاری تھی، جہاں سنجے دت کے کئی مداح انہیں دیکھنے کے لیے جمع ہوگئے اور اس کے باعث سیاحوں کو تاج محل دیکھنے میں کافی دشواری ہوئی۔

اس موقع کا فائدہ اٹھاتے ہوئے میڈیا نمائندوں نے سنجے دت کی قریب سے تصاویر لینے کی کوشش کی، تاہم اداکار کی حفاظت پر مامور گارڈز نے ان پر تشدد شروع کردیا، جس کے نتیجے میں کچھ افراد زخمی بھی ہوئے۔

یہ بھی پڑھیں: آزادی کا احساس بہترین ہے، سنجے دت

اس واقعے کے بعد اجے کمار نامی ایک صحافی نے سنجے دت کے خلاف آگرہ کے پولیس اسٹیشن میں شکایت درج کروائی۔

تاہم بعد ازاں فیس بک پر شیئر کی گئی ایک ویڈیو میں سنجے دت نے متاثرہ صحافیوں سے معافی مانگ لی۔

خیال رہے کہ فلم 'بھومی' میں ادیتی رائے حیدری سنجے کی بیٹی کا کردار ادا کریں گی۔

امنگ کمار کی ہدایات میں بننے والی اس فلم کی ریلیز تاریخ کا اب تک اعلان نہیں کیا گیا۔