حال ہی میں اپنے گھریلو معاملات کے باعث میڈیا کی خبروں کی زینت بننے والی وینا ملک نے تقریباً 3 سال سے کسی پروجیکٹ پر کام نہیں کیا تھا، تاہم اب وہ اپنی میوزک ویڈیو میں کام کرتی نظر آئیں گی۔

اداکارہ نے اپنے مداحوں کی بےتابی کو بڑھانے کے لیے میوزک ویڈیو کی تیاری کے مراحل سوشل میڈیا پر شیئر کیے۔

انہوں نے ایک ویڈیو میں اپنی ٹیم کو بھی مداحوں سے متعارف کروایا۔

وینا کی نئی میوزک ویڈیو 'لشکرِ جرار' رواں ماں 3 تاریخ کو لانچ کی جائے گی، جس کی پروڈکشن بھی انھوں نے خود ہی کی ہے۔

اس گانے میں وینا ملک کا انداز کافی منفرد ہوگا، جو ان کے لباس اور میک اپ کو دیکھ کر محسوس ہورہا ہے۔

وہ اپنی نئی میوزک ویڈیو سے انٹرٹینمنٹ انڈسٹری میں کامیاب واپسی کرپائیں گی یا نہیں، یہ تو وقت ہی بتائے گا۔