100 انڈیکس میں شامل کمپنیوں کے 8 کروڑ 86 لاکھ شیئرز کا کاروبار ہوا جس کی مالیت 8.37 ارب روپے رہی۔

ٹاپ لائن سیکیورٹیز کے تجزیہ کار حمان امان کے مطابق ممکنہ طور پر وزیراعلیٰ سندھ کی جانب سے سندھ سے جانے والی گیس لائن بند کرنے کی دھمکی، پاک بھارت کشیدگی میں اضافہ اور پاناما کیس کے فیصلے کے حوالے سے غیر یقینی صورتحال اسٹاک پر اثر انداز ہورہی ہے۔

مجموعی طور پر 377 کمپنیوں کے 23 کروڑ 33لاکھ 90 ہزار شیئرز کی خرید و فروخت ہوئی جس کی مالیت 12.05 ارب روے رہی اور ان میں سے 97 کے شیئرز کی قدر میں اضافہ، 261 کی قدر میں کمی اور 20 کی قدر میں استحکام رہا۔

سب سے زیادہ 2 کروڑ 20 ہزار شیئرز عائشہ اسٹیل مل کے خریدے و فروخت کیے گئے جبکہ لوٹ کیمیکل کے ایک کروڑ 71 لاکھ 20 ہزار، سوئی سدرن گیس کے ایک کروڑ 42 لاکھ 20 ہزار، ٹی آر جی پاک لمیٹڈ کے ایک کروڑ 41 لاکھ 10 ہزار اور ازگارڈ نائن لمیٹڈ کے 87 لاکھ 50 ہزار شیئرز کا کاروبار ہوا۔