پولیس ذرائع کے مطابق سیالکوٹ کے تھانہ مراد پور کے علاقے میں مرالہ روڈ پر 2 ڈمپر آپس میں ریس لگا رہے تھے کہ اچانک ایک تیز رفتار ڈمپر بے قابو ہو کر دنبوں کے ریوڑ پر چڑھ دوڑا۔

پولیس کے مطابق واقعے میں 80 سے زائد دنبے ہلاک جبکہ 100 سے زائد زخمی ہوئے، دوسری جانب ریوڑ کا مالک بھی زخمی ہوگیا۔

حادثے کے باعث ٹریفک کی روانی متاثر ہوگئی اور سڑک سے ہلاک دنبوں کو ہٹانے کے لیے کرین منگوانی پڑی۔

دوسری جانب پولیس نے ایک ڈمپر کے ڈرائیور کو گرفتار کرکے ڈمپر تحویل میں لے لیا جبکہ دوسرے ڈمپر کا ڈرائیور فرار ہونے میں کامیاب ہوگیا۔

اس سے قبل ستمبر 2015 میں بھی عید الاضحیٰ کے موقع پر فروخت کے لیے لے جائے جانے والے 40 بکرے ٹرین کی ٹکر سے ہلاک ہوگئے تھے۔