جی ہاں گوگل نے انتہائی خاموشی سے یوٹیوب میں ڈارک موڈ نامی فیچر کا اضافہ کیا ہے جو یوٹیوب کے روایتی سفید اور سرخ تھیم کو سیاہ رنگ سے بدل دیتا ہے جبکہ یوزر انٹرفیس بھی کچھ بدل جاتا ہے۔

تاہم ڈارک موڈ کو ایکٹو کرنا ذرا مشکل ہے مگر اس میں بھی ایک منٹ سے زیادہ وقت نہیں لگتا۔

یہ فیچر فی الحال ڈیسک ٹاپ ویب سائٹ پر دستیاب ہے اور موبائل ایپ میں کام نہیں کرتا۔

اسے ایکٹو کرنے کے لیے گوگل کروم پر یوٹیوب ویب سائٹ اوپن کریں۔

ویب سائٹ اوپن ہونے کے بعد اپنے اکاﺅنٹ سے سائن ان ہو۔

اس کے بعد ونڈوز کمپیوٹر پر Ctrl + Shift + I کمانڈ دبائیں جبکہ ایپل کے میک پر Option + Command + I۔

آپ کے سامنے کروم ڈیو ٹولز کا پیج کھل جائے گا اور اس میں آپ کو کنسول (Console) پر کلک کریں۔

وہاں یہ لنک پیسٹ کریں document.cookie="VISITORINFO1LIVE=fPQ4jCL6EiE" ۔

اس کے بعد ڈیو ٹولز کو بند کرکے پیج ری فریش کرلیں۔

اس کے بعد دائیں جانب اوپر اپنے گوگل پروفائل فوٹو پر کلک کریں اور وہاں نیچے ڈارک موڈ کو سلیکٹ کرکے اسے ایکٹو کردیں۔

آپ کا یوٹیوب پیج پہلے سے بالکل مختلف ہوجائے گا جو کہ گوگل کی جانب سے آنکھوں کو مانیٹر کی تیز روشنی سے بچانے کے لیے متعارف کرایا گیا ہے۔

گوگل نے باضابطہ طور پر اس فیچر کا اعلان نہیںکیا مگر یہ اس کی جانب سے یوٹیوب کے ویب ڈزائن میںکی جانے والی تبدیلیوں کاحصہ ہے۔

اور یہ ڈراک موڈ آنکھوں کو تو بھلا لگتا ہے اب دیکھنا ہے کہ گوگل اس فیچر کو کب تک برقرار رکھتا ہے۔