• یہ بھی پڑھیں: شردہا کپور، داؤد ابراہیم کی 'بہن' بننے کو تیار
• مزید پڑھیں: داؤد ابراہیم کی فیملی کو دیکھ کر شردھا 'پریشان'

بولی وڈ کی آنے والی فلم ’حسینہ پارکر‘ کی چوتھی بار ریلیز مؤخر کردی گئی, فلم کو رواں ماہ 18 اگست کو ریلیز کیا جانا تھا۔

فلم ڈائریکٹر اپوروا لاکھیا نے فلم کی ریلیز منسوخ کیے جانے کا اعلان کرتے ہوئے کہا کہ وہ بڑی فلموں سے ٹکر نہیں لینا چاہتے، اس لیے فلم کی نمائش مؤخر کردی گئی۔

فلم کی ٹیم ان دنوں پروموشن مصروف تھی، تاہم مووی کی نمائش کا فیصلہ اچانک کیا گیا۔

کوئی موئی نے خبر دی کہ اپوروا لاکھیا نے مختصر بیان میں کہا کہ وہ اگست میں ریلیز ہونے والی بڑی فلموں سے ٹکر نہیں لے سکتے، خیال رہے کہ رواں ماہ شاہ رخ خان کی فلم ’جب ہیری میٹ سیجل‘ اور اکشے کمار کی فلم ’ٹوئلٹ ایک پریم کتھا‘ سمیت دیگر فلمیں ریلیز ہوں گی۔

یہ بھی پڑھیں: شردہا کپور، داؤد ابراہیم کی 'بہن' بننے کو تیار

یہ پہلا موقع نہیں کہ شردھا کپور کی فلم ’حسینہ پارکر‘ کی نمائش ملتوی کی گئی ہو، اس سے قبل بھی تین بار اس فلم کی ریلیز مؤخر کی جاچکی ہے۔

گزشتہ ماہ 18 جولائی کو فلم کا مختصر ٹریلر جاری کرتے ہوئے اسے 18 اگست کو ریلیز کیے جانے کا اعلان کیا گیا تھا، تاہم اگست کے شروع ہوتے ہی اس کی نمائش کا فیصلہ مؤخر کردیا گیا۔

فلم کی ٹیم نے سب سے پہلے اسے 14 جولائی 2017 کو ریلیز کرنے کا اعلان کیا تھا، تاہم اسے ملتوی کرتے ہوئے 28 جولائی کو نمائش کا اعلان کیا گیا۔

مزید پڑھیں: داؤد ابراہیم کی فیملی کو دیکھ کر شردھا 'پریشان'

بعد ازاں فلم کی ٹیم نے ’حسینہ پارکر‘ کو جولائی کے آخر میں ریلیز کرنے کا بھی اعلان کیا تھا، تاہم تینوں بار بڑی فلموں کی وجہ سے اس کی نمائش منسوخ کردی گئی۔

گزشتہ ماہ جگا جاسوس، مبارکاں، موم اور ٹیوب لائٹ جیسی فلموں کی وجہ سے اسے منسوخ کیا گیا، اس بار جب ہیری میٹ سیجل اور ٹوئلٹ ایک پریم کتھا جیسی فلموں کے باعث اس کی نمائش روک دی گئی۔

خیال رہے کہ حسینہ پارکر انڈر ورلڈ ڈان داؤد ابراہیم کی بہن حسینہ کی زندگی پر بنائی گئی ہے، فلم کا مرکزی کردار شردھا کپور ادا کر رہی ہیں۔

فلم میں شردھا کپور کے قدرے منفرد روپ کو دیکھ کر لوگ حیران رہ گئے، کروڑوں مداحوں کو خوبصورت اداکارہ کو انڈر ورلڈ حسینہ کے روپ میں دیکھنے کا انتظار ہے۔