کیا آپ ویک اینڈ پر شاہ رخ خان اور انوشکا شرما کی فلم 'جب ہیری میٹ سیجل' دیکھنے کا ارادہ رکھتے ہیں، لیکن یہ بھی سوچ رہے ہیں کہ کہیں پیسے ضائع نہ ہوجائیں تو جان لیں کہ جو لوگ یہ فلم دیکھ چکے ہیں، ان کی اس کے بارے میں کیا رائے ہے۔

جمعہ (4 اگست) کو ریلیز ہونے والی اس فلم کی ہدایات امتیاز علی نے دی ہیں جو اس سے قبل 'جب وی میٹ'، 'لَو آج کل' اور 'راک اسٹار' جیسی ہٹ فلمیں بناچکے ہیں۔

اس فلم میں شاہ رخ خان اور انوشکا شرما تیسری بار اکھٹے ہوئے ہیں، جو اس سے قبل 'رب نے بنا دی جوڑی' اور 'جب تک ہے جان' میں ایک ساتھ نظر آئے تھے۔

یہی وجہ ہے کہ فلم بینوں کو 'جب ہیری میٹ سیجل' سے کافی توقعات وابستہ ہیں۔

سماجی رابطے کی ویب سائٹ ٹوئٹر پر لوگوں نے کیا ردعمل دیا، اس کے بارے میں یہاں جانیں :

کچھ لوگوں کو فلم کی سینما فوٹوگرافی اور ہدایتکار کا کام پسند آیا۔

کچھ نے تو اسے سال کی سب سے بہترین فلم قرار دیا اور شاہ رخ خان اور انوشکا شرما کو سراہا۔

مگر ہر ایک کو یہ فلم پسند نہیں آئی، کچھ لوگوں کا کہنا تھا کہ اداکاروں کا کام تو اچھا تھا مگر فلم کی کہانی نے اسے دیکھنے کے قابل نہیں چھوڑا۔

یہاں تک شاہ رخ خان کے ایک پرستار نے کہا کہ اس کا ماننا ہے کہ کنگ خان کو منتخب اسکرپٹ پر کام کرنا چاہیے۔