کیا ورزش کے بغیر جسمانی وزن میں کمی لانا چاہتے ہیں ؟ تو کچھ کرنے کی بجائے اپنے کھانے کی پلیٹ پر دھیان دیں اور اس میں مرچ مصالحہ بڑھا دیں۔

یہ دعویٰ ایک طبی تحقیق میں سامنے آیا۔

تحقیق میں بتایا گیا کہ مصالحے دار غذائیں زیادہ کیلوریز جلا کر چربی کو تیزی سے گھلاتی ہیں۔

مزید پڑھیں : موٹاپے سے بچانے میں مددگار 16 غذائیں

اس تحقیق کے دورران چالیس مرد اور خواتین کو مرچوں میں پائے جانے والے جز capsaicinoids کے دو ملی گرام کا ایک کیپسول روزانہ کھلایا گیا۔

جب لوگ اس کیپسول کو کھالیتے تو تحقیقی ٹیم تین گھنٹوں تک تین بار ان کے میٹابولک ریٹ کا جائزہ لیتے۔

نتائج سے معلوم ہوا کہ جن لوگوں نے یہ کیپسول کھائے تھے، دن بھر میں انہوں نے دیگر افراد کے مقابلے میں 116 کیلوریز زیادہ جلائیں۔

محققین کا کہنا تھا کہ اس کی وجہ مرچوں کے اندر پائے جانے والی حرارت ہے۔

آسان الفاظ میں مرچ مصالحے دار کھانے کو ہضم کرتے ہوئے جسم حرارت پیدا کرتا ہے جس سے زیادہ کیلوریز جلتی ہیں اور چربی گھلنے میں مدد ملتی ہے۔

یہ بھی پڑھیں : موٹاپا کم ہو تو چربی کہاں جاتی ہے؟

ایسا پہلی بار نہیں کہ طبی سائنس نے اس قسم کا دعویٰ کیا ہو۔

اس سے قبل Purdue یونیورسٹی کی تحقیق میں بتایا گیا تھا کہ مرچ مصالحے کا استعمال جسمانیدرجہ حرارت کو بڑھاتا ہے جس سے کیلوریز جلنے کی مقدار بھی بڑھ جاتی ہے۔

اس کے علاوہ مصالحے دار غذائیں بلڈ شوگر میں کمی، دوران خون بڑھانے اور چنبل کے خلاف بھی موثر ثابت ہوتے ہیں۔

اس نئی تحقیق کے نتائج طبی جریدے جرنل اوبیسٹی اوپن میں شائع ہوئے۔