ملک بھر میں 71ویں ’یوم آزادی‘ کی تیاریاں عروج پر ہیں اور حکومتی، افواج اور عوامی سطح پر جشن آزادی کی بھرپور تیاریاں کی جارہی ہیں۔

یوم آزادی کے موقع پر پاک فضائیہ کے ایئر شو کے لیے وفاقی دارالحکومت کی فضاؤں میں جنگی جہازوں کی ریہرسل پروازیں کی گئیں۔

چودہ اگست کو پرچم کشائی کی مرکزی تقریب پارلیمنٹ ہاؤس میں منعقد ہوگی۔

جشن آزادی کے سلسلے میں ملک کے ہر چھوٹے بڑے شہر میں عمارتوں کو برقی قمقموں سے سجایا گیا ہے، جبکہ سبز ہلالی پرچم بھی لہرائے گئے ہیں۔

ایک طرف جہاں بڑے پرچم، بیجز اور مختلف اشیا خریدنے میں مصروف ہیں تو دوسری جانب بچے بھی اس حوالے سے کسی سے پیچھے نہیں۔