• یہ بھی پڑھیں: ’کترینہ کیف باہو بلی ہیرو کے ساتھ رومانس نہیں کرنے والی‘
• مزید پڑھیں: اضافی وزن کے باعث ہیروئن فلم سے خارج

باہو بلی ہیرو پربھاس کی آنے والی فلم ’ساہو‘ کی شوٹنگ تو گزشتہ کئی ہفتوں سے جاری تھی، تاہم فلم کی ٹیم کو ہیروئن تلاش کرنے میں سخت مشکلات درپیش تھیں۔

ساہو کے لیے سب سے پہلے بولی وڈ بار بی ڈول کترینہ کیف کا نام سامنے آیا، مگر جلد ہی ان کے بجائے باہو بلی 2 کی ہیروئن انوشکا شیٹھی کا نام بطور ہیروئن سامنے آیا۔

لیکن اضافی وزن کے باعث انوشکا شیٹھی کو بھی فلم سے خارج کردیا گیا، اس دوران کچھ دیگر ہیروئنز کے نام بھی ساہو کی ہیروئن کے لیے گردش کرتے رہے، تاہم سب ہیروئنز کے نام افواہیں ثابت ہوئیں۔

یہ بھی پڑھیں: ’کترینہ کیف باہو بلی ہیرو کے ساتھ رومانس نہیں کرنے والی‘

اب فلم کی ٹیم نے پہلی بار ساہو کی ہیروئن کے لیے شردھا کپور کی تصدیق کردی۔

پونے مرر نے فلم پروڈیوسر کا حوالہ دیتے ہوئے بتایا کہ شردھا کپور ہی ساہو کی ہیروئن ہوں گی، وہ جلد ہی فلم کی شوٹنگ کا حصہ بنیں گی۔

عاشقی 2 سے شہرت حاصل کرنے والی شردھا کپور ان دنوں اپنے آنے والی فلم ’حسینہ پارکر‘ کی تشہیر میں مصروف ہیں، فلم میں ان کے منفرد کردار کی وجہ سے لوگوں کو اس فلم کا کافی انتظار ہے۔

مزید پڑھیں: اضافی وزن کے باعث ہیروئن فلم سے خارج

عاشقی 2 جیسی رومانوی فلم سے لے کر حسینہ پارکر جیسی ایکشن تھرلر فلم میں مختلف کردار ادا کرنے کی وجہ سے شردھا کپور کو ساہو کی ٹیم نے ہیروئن کے طور پر منتخب کیا۔

خیال رہے کہ ساہو کی شوٹنگ حیدرآباد دکھن سمیت دیگر شہروں میں جاری ہے، اور فلم کے ہیرو پربھاس نے متعدد سین شوٹ کروالیے ہیں، فلم کو آئندہ برس تیلگو اور ملایم زبانوں میں ریلیز کیا جائے گا۔

پربھاس کی رواں برس اپریل میں آنے والی فلم باہو بلی 2 نے ریکارڈ بزنس کرتے ہوئے دنیا بھر سے ایک ہزار کروڑ بھارتی روپے بٹورے تھے۔