چترال میں پاک-افغان سرحد کے قریب دریا پر قائم پل کو نامعلوم افراد نے دھماکے سے اڑا دیا۔

پولیس کے مطابق دھماکے کے باعث تور کہو کے متعدد دیہاتوں کا شہر سے رابطہ منقطع ہوگیا۔

مقامی افراد کے مطابق رابطہ پل نہ ہونے کی وجہ سے بچے اسکول جانے سے محروم رہے جبکہ علاقے میں واحد پل ہونے کے باعث عوام کو سامان کی ترسیل میں بھی مشکلات کا سامنا ہے۔

مزید پڑھیں: وزیراعظم نے چترال میں لواری ٹنل کا افتتاح کردیا

پولیس کا کہنا تھا کہ واقعہ ممکنہ طور پر تخریب کاری ہوسکتا ہے تاہم اس حوالے سے تحقیقات جاری ہیں۔

پولیس حکام نے بتایا کہ پل اڑانے سے 20 ہزار سے زائد آبادی محصور ہوگئی ہے۔