امریکی ایپک اسپیس اوپرا فلم سیریز ’اسٹارز وارز 8‘ کے کرداروں کی تصاویر منظر عام پر آگئیں، جن میں انہیں مختلف مناظر میں دیکھا جاسکتا ہے۔

اسٹار وارز 8 ’دی لاسٹ جڈائے‘ کو رواں برس دسمبر میں ریلیز کیا جائے گا، اس سیریز کو امریکا کی سب سے معروف فلم سیریز کا اعزاز بھی حاصل ہے۔

یہ پہلا موقع ہے کہ ’اسٹار وارز 8 دی لاسٹ جڈائے کے کرداروں کی تصاویر کو ریلیز کیا گیا ہے۔

یہ بھی پڑھیں: لورا ڈیرن اسٹار وارز 8 میں شامل

ڈائریکٹر ریان جوہنسن کی اس فلم کو کیتھالین کینیڈی اور رام برگمن نے پروڈیوس کیا ہے، جب کہ اس کی موسیقی جوہن ولیم نے ترتیب دی ہے۔

فلم کی ٹیم نے فلمی کرداروں کی 25 تصاویر ریلیز کی ہیں، جن میں انہیں فلم کے مختلف مناظر میں دیکھا جاسکتا ہے۔

فلم کو والٹ ڈزنی اسٹوڈیوز کے موشن پکچرز کے بینر تلے ریلیز کیا جائے گا، فلم کی کاسٹ میں مارک ہیمل، ایڈم ڈرائیور، ڈیسے رائڈلے، اوسکر ایساک، لپیتا نویونگو شامل ہیں۔

اس باراکیڈمی ایوارڈ یافتہ 50 سالہ اداکارہ لورا ڈیرن بھی پہلی بار اسٹار وارز کا حصہ بنیں گی، وہ مزاحمت کار خاتون کے کردار میں نظر آئیں گی۔

مزید پڑھیں: 'اسٹارز وارز' کی پرنسز لیا کا انتقال

کیپٹن فاسما اور اس کے ساتھی جنگ کے لیے تیار ہیں

جنرل ہیوکس کا ایک انداز

لیوک اسکائی واکر کا روایتی انداز

لیوک اسکائی واکر اور روئے کے تعلقات

فِنِ اور روز کی ملاقات

روئے ٹریننگ لیتے ہوئے