بینظیرکے بعد پہلی بارخاتون وزیراعظم بچے کو جنم دیں گی

none@none.com (ویب ڈیسک) — Sun, 21 Jan 2018 19:59:43 +0500

پاکستان کی پہلی خاتون وزیر اعظم بے نظیر بھٹو کا ایک منفرد اعزاز لگ بھگ 28 برس بعد برابر ہونے جا رہا ہے، اور ان کا یہ منفرد اعزاز نیوزی لینڈ کی خاتون وزیر اعظم برابر کرنے جا رہی ہیں۔

مسلم دنیا اور پاکستان کی پہلی منتخب خاتون وزیراعظم بے نظیر بھٹو کو یہ اعزاز حاصل تھا کہ انہوں نے 28 برس قبل 1990 میں دوران وزارت عظمیٰ ایک بچے کو جنم دیا تھا۔

ان کا یہ اعزاز آج تک کوئی خاتون وزیر اعظم برابر نہیں کر سکیں تھیں، تاہم اب یہ اعزاز نیوزی لینڈ کی نوجوان ترین خاتون وزیر اعظم جیسنڈا ایرڈن برابر کرنے جا رہی ہیں۔

نیوزی لینڈ کی 150 سالہ تاریخ میں تیسری خاتون وزیر اعظم بننے والی جیسنڈا ایرڈرن نے 2 دن قبل اپنے انسٹاگرام پر اس بات کا اعلان کیا کہ وہ امید سے ہیں۔

یہ بھی پڑھیں: نیوزی لینڈ میں جوان ترین خاتون وزیر اعظم

And we thought 2017 was a big year! Clarke and I are really excited that in June our team will expand from two to three, and that we’ll be joining the many parents out there who wear two hats. I’ll be Prime Minister AND a mum, and Clarke will be “first man of fishing” and stay at home dad. I think it’s fair to say that this will be a wee one that a village will raise, but we couldn’t be more excited. I know there will be lots of questions, and we’ll answer all of them (I can assure you we have a plan all ready to go!) But for now, bring on 2018.

A post shared by Jacinda Ardern (@jacindaardern) on Jan 18, 2018 at 1:44pm PST

37 سالہ جیسنڈا ایرڈرن نے اعلان کیا کہ رواں برس جون میں ان کا خاندان 2 افراد سے بڑھ کر 3 افراد پر مشتمل ہوجائے گا، اور وہ ایک وزیر اعظم کی حیثیت سے والدہ بنیں گی۔

ساتھ ہی جیسنڈا ایرڈرن نے کہا کہ انہیں اندازا ہے کہ انہیں اس اعلان کے بعد کئی سوالات کا سامنا کرنا پڑے گا، اور وہ ان تمام سوالات کے جوابات دینے کے لیے تیار ہیں۔

نیوزی لینڈ کے نشریاتی ادارے ’نیوز ہب ڈاٹ کو ڈاٹ این زیڈ‘ نے بتایا کہ جیسنڈا ایرڈرن نے اپنے امید سے ہونے کا اعلان کرتے ہوئے بتایا کہ انہیں امید سے ہونے کی خبر 13 اکتوبر 2017 کو ہوئی، تاہم انہوں نے اس وقت اس خبر کو راز میں رکھا۔

وزیر اعظم کی چھٹیوں کے دوران نائب وزیراعظم ذمہ داریاں سنبھالیں گے—فوٹو: وی او اے نیوز

ان کے مطابق انہوں نے اپنے امید سے ہونے کی خبر نائب وزیر اعظم ونسٹن پیٹرس کے ساتھ شیئر کی، جس کے بعد ہی انہوں نے عوامی سطح پر اس کا اعلان کیا۔

جیسنڈا ایرڈرن کا کہنا تھا کہ وہ ڈیلیوری کے وقت 6 ہفتوں کی چھٹی لیں گی، اس دوران نائب وزیراعظم ان کی ذمہ داریاں سنبھالیں گے۔

واضح رہے کہ جیسنڈا ایرڈرن نے نیوزی لینڈ کی نوجوان ترین خاتون وزیراعظم کا عہدہ 19 اکتوبر 2017 کو سنبھالا۔

بے نظیر بھٹو نے 1990 میں بڑی صاحبزادی بختاور بھٹو کو جنم دیا تھا—فوٹو: بختاور انسٹاگرام

وہ نیوزی لینڈ کی 150 سالہ تاریخ میں تیسری خاتون وزیر اعظم ہیں، جب کہ وہ اس وقت حکومت کی سربراہی کرنے والی دنیا کی واحد نوجوان ترین خاتون بھی ہیں۔

نیوزی لینڈ میڈیا کے مطابق جیسنڈا ایرڈرن کو یہ بچہ اپنے پارٹنرٹیلی وژن پروڈیوسر کلارک گفورڈ سے ہوگا، جو بچے کی پیدائش کے بعد مستقل طور پر وزیراعظم ہاؤس میں رہائش اختیار کریں گے۔

خیال رہے کہ اس سے قبل پاکستان کی وزیراعظم بے نظیر بھٹو نے 1990 میں اپنی بڑی صاحبزادی بختاور بھٹو کو وزارت عظمیٰ کے عہدے کی ذمہ داریاں نبھاتے ہوئے جنم دیا تھا۔

بے نظیر بھٹو کو تین بچے ہیں، جن میں سب سے بڑا ان کا بیٹا بلاول بھٹو زرداری ہے، جو 1988 میں پیدا ہوئے، بختاور بھٹو کی 1990 میں پیدائش کے 3 سال بعد 1993 میں ان کے ہاں ایک اور بچی آصفہ بھٹو پیدا ہوئیں۔

بے نظیر بھٹو نے دسمبر 1987 میں آصف علی زرداری سے شادی کی، جب کہ انہیں دسمبر 2007 کو صوبہ پنجاب کے شہر راولپنڈی میں قاتلانہ حملے میں ہلاک کردیا گیا۔

#WheresBakhtawar

A post shared by Bakhtawar Bhutto-Zardari (@bakhtawarbz) on Jun 9, 2017 at 1:58am PDT

The Dawn News - Pakistan

بینظیرکے بعد پہلی بارخاتون وزیراعظم بچے کو جنم دیں گی

یہ بھی پڑھیں: نیوزی لینڈ میں جوان ترین خاتون وزیر اعظم