کینیڈا میں بس کے حادثے میں جونیئر آئس ہاکی ٹیم کے کھلاڑیوں اور ڈرائیور سمیت 14 افراد ہلاک جبکہ تین شدید زخمی ہو گئے۔

جمعے کی شام کینیڈا کے صوبے ساسکیچوان میں پیش آیا جب کھلاڑیوں کو لے کر جانے والی بس ٹرک سے ٹکرا گئی جس کے نتیجے میں 14 افراد کی ہلاکت کی تصدیق ہو گئی ہے اور خدشہ ظاہر کیا جا رہا ہے کہ ہلاک ہونے والوں میں سے اکثریت کھلاڑیوں کی ہے۔

پولیس نے ہفتے کے روز ان ہلاکتوں کے تصدیق کرتے ہوئے بتایا کہ بس میں کھلاڑیوں سمیت کل 28 افراد سوار تھے تاہم تاحال یہ واضح نہیں کہ اس حادثے میں ہلاک ہونے والے 14 افراد کھلاڑی ہیں یا دیگر مسافر۔

جونیئر ہاکی لیگ میں بولٹ برونکس کی ٹیم نپاون ہاکس کے خلاف میچ کھیلنے کے لیے جا رہی تھی کہ ان کی بس حادثے کا شکار ہو گئی۔

مذکورہ ٹیم کے کھلاڑیوں کی عمریں 16 سے 21 سال کے درمیان ہیں جبکہ حادثے میں تین افراد زخمی بھی ہوئے جن کی حالت تشویشناک بتائی جاتی ہے۔

کینیڈا کے وزیر اعظم جسٹن ٹریڈیو نے بھی واقعے پر گہرے افسوس کا اظہار کیا ہے۔