سونم کپور کے ہونے والے شوہر ہیں کون؟

none@none.com (انٹرٹینمنٹ ڈیسک) — Wed, 02 May 2018 13:45:57 +0500

بولی وڈ اداکارہ سونم کپور بہت جلد آنند اہوجا نامی بزنس مین کے ساتھ شادی کے بندھن میں بندھ جائیں گی، جس کا اعلان ان کے خاندان نے ایک بیان کے ذریعے کیا۔

سونم کپور کا شمار تو بولی وڈ کی نامور اداکارہ میں کیا جاتا ہے، جنہوں نے اپنے کیریئر میں کچھ کامیاب فلموں میں کام کرنے کے ساتھ ساتھ فیشن کی دنیا میں بھی خوب نام کمایا۔

I see myself all around me 👀... a lot of people make a bouquet 💐.:: or something ... what she said 👉🏼@sonamkapoor ! 🤙🏼✨⚡️😎 #EverydayPhenomenal

A post shared by anand ahuja (@anandahuja) on Dec 25, 2017 at 8:14am PST

دوسری جانب ان کے ہونے والے شوہر آنند اہوجا کے بارے میں اس وقت تک کوئی نہیں جانتا تھا، جب تک سونم کپور نے اپنے انسٹاگرام اکاؤنٹ پر ان کے ساتھ تصاویر شیئر کرنا شروع نہیں کیں۔

آنند اہوجا کا تعلق دہلی سے ہے، جو بھین نامی ملبوسات کے برینڈ کے مالک ہیں، اس کے علاوہ وہ اور بہت سے بزنس کا حصہ ہیں۔

آنند نے امریکا میں تعلیم مکمل کی، جس کے بعد انہوں نے ایمیزون ڈاٹ کام میں انٹرنشپ کی تھی، تاہم بعدازاں دہلی واپس آکر انہوں نے اپنے والد ہریش اہوجا کے ساتھ ان کا کام سنبھالا۔

قیاس آرائیوں کے مطابق آنند اور سونم کی ملاقات 2014 میں فیشن ڈیزائنر پرنیا قریشی نے کروائی، اس وقت پرنیا سونم کی اسٹائلسٹ تھیں۔

رپورٹس کے مطابق آنند اہوجا نے سونم کپور سے ملاقات کے ایک ماہ بعد ہی انہیں شادی کی پیشکش کردی تھی، جسے اداکارہ نے قبول بھی کرلیا۔

خیال رہے کہ سونم کپور کیریئر کے شروع سے ہی اپنی ذاتی زندگی کو میڈیا سے دور رکھتی آرہی ہیں، انہوں نے کئی انٹرویوز میں یہ بھی کہا کہ انہیں اپنی ذاتی زندگی کے بارے میں بات کرنا پسند نہیں، تاہم وہ جب بھی شادی کریں گی سب کو ضرور بتائیں گی۔

"..he found presumptuousness in the question, 'What is the meaning of life?' As though it's someone else's responsibility to tell you. Instead, he said, the world is asking YOU that question. And it's your job to answer with your actions. In every situation, life is asking us a question and our actions are the answer. Our job is simply to answer well. Right action - unselfish, dedicated, masterful, creative - that is the answer to that question. That's one way to find the meaning of life. If you see this as a burden, you're looking at it the wrong way. All we need to do are those three little duties, to try hard, to be honest, and to help others and ourselves. That's all that's been asked of us. No more, no less." ***** 💐🍁🎨 @sonamkapoor 🤩 #everydayphenomenal *****

A post shared by anand ahuja (@anandahuja) on Jan 8, 2018 at 3:06pm PST

دلچسپ بات یہ ہے کہ آنند اہوجا طویل عرصے سے اپنے انسٹاگرام اکاؤنٹ پر سونم کے ساتھ اپنی تصاویر شیئر کرتے آرہے ہیں جبکہ وہ سونم کی فلموں کی پروموشن بھی اپنے سوشل میڈیا اکاؤنٹس پر کرتے رہتے ہیں۔

ویسے تو سونم کپور کی شادی 8 مئی کو ہوگی، تاہم خبریں ہیں کہ مہندی اور سنگیت کی تقریبات کا آغاز 5 مئی سے ہوجائے گا۔

The Dawn News - Life & Style

سونم کپور کے ہونے والے شوہر ہیں کون؟