خیال رہے کہ گزشتہ روز میڈیا پر چلنے والی خبر میں بتایا گیا تھا کہ گیس کمپنی کی جانب سے بنائی گئی رپورٹ کو الیکشن کمیشن آف پاکستان نے جاری کیا ہے جس میں سابق وزیر اعلیٰ خیبر پختونخوا کو ایس این جی پی ایل کا نادہندہ قرار دیا گیا تھا۔

مزید پڑھیں: عام انتخابات: 100 سے زائد اُمیدواروں کے کوائف مشکوک قرار

اپنی رپورٹ میں ایس این جی پی ایل نے واضح کیا تھا کہ پرویز خٹک ‘ہوتی گیس سی این جی’ کے مالک ہیں جو 10 کروڑ 65 لاکھ 75 ہزار سے زائد کے ڈیفالٹر ہیں۔

الیکشن کمیشن کی رپورٹ کے مطابق پرویز خٹک کے نام پر ‘موٹروے اِن سی این جی’ بھی رجسٹر ہے اور پرویز خٹک کی مذکورہ کمپنی 8 کروڑ 24 لاکھ 22 ہزار سے زائد کی نادہندہ ہے۔

تاہم سابق وزیر اعلیٰ خیبر پختونخوا کا کہنا ہے کہ نوشہرہ کے حلقے پی کے 64 میں ان کے نام کے 2 امیدوار ہیں۔

یہ بھی پڑھیں: کاغذات نامزدگی کی جانچ پڑتال کیلئے حتمی تاریخ میں تبدیلی

ڈان نیوز سے بات کرتے ہوئے پرویز خٹک نے کہا کہ انتخابات میں ان کے خلاف متحدہ مجلس عمل (ایم ایم اے) کے امیدوار کا نام بھی پرویز خٹک ہے۔

انہوں نے مزید کہا کہ ’ایک جیسے ناموں کی وجہ سے الجھن پیدا ہوگئی ہے‘۔