لیکن کیا آپ اس سرخ اور سبز میٹھے پھل کے یہ چند عجیب حقائق جانتے ہیں جو ہم یہاں بتانے جارہے ہیں؟

غذائیت کے ساتھ ساتھ اس پھل میں بہت سے راز بھی چھپے ہیں۔

سیب پانی کے اوپر تیرتے کیوں ہیں؟

سیب ایک بھاری پھل ہے، لیکن اس کے باوجود یہ پانی پر تیرتا ہے، اس کی وجہ یہ ہے کہ اس میں موجود 25 فیصد حجم صرف ہوا ہے، اور یہ ہوا اس سیب کو پانی سے ہلکا بنادیتی ہے، جس کے باعث سیب پانی پر تیرتا ہے۔

اس دنیا میں کتنی اقسام کے سیب موجود ہیں؟

اس دنیا میں سیب کی 7 ہزار 500 اقسام موجود ہیں، اور شاید ہی کوئی ایسا ہوگا جس نے ہر طرح کا سیب اپنی زندگی میں کھایا ہو۔

سیب کھانے کا ڈر؟

ویسے تو اس دنیا میں بہت سی چیزوں کے ڈر موجود ہیں جنہیں فوبیا کا نام دیا جاتا ہے، اور ان ہی میں ایک ڈر سیب کا بھی ہے، جسے انگریزی میں Malusdomesticaphobia کا نام دیا جاتا ہے۔

ایک سیب کو مکمل ہونے میں کتنا وقت لگتا ہے؟

قریب 10 سالوں میں ایک سیب بیج سے کھانے کے قابل ہوپاتا ہے، 10 سال کسی بھی بلی یا کتے جیسے جانور کی مکمل زندگی ہوتی ہے۔

سیب کے بیج زہریلے ہوتے ہیں؟

سیب کے بیج میں سایانائڈ (cyanide) نامی جان لیوا زہر موجود ہوتا ہے۔ جسے ہضم کرنا ناممکن ہے، البتہ سیب کے بیج میں موجود یہ زہر صرف اس وقت اپنا اثر کرسکتا اگر کوئی سیب کے 200 سے زائد بیج کو چبا کر کھالے۔